ភ្នំពេញ៖ ប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា បានបង្ហោះសារនៅលើគណនីហ្វេសប៊ុករបស់ខ្លួនបង្ហាញក្តីព្រួយបារម្ភអំពីសុខសុវត្ថិភាពនៅតាមមូលដ្ឋាន ខណៈមានចោរចូលគាស់ទ្វារហាងរបស់អ្នកនាងដែលស្ថិតនៅក្នុងខណ្ឌទួលគោកសឹងតែរាល់យប់។
អ្នកនាងបានសរសេរដូច្នេះថា៖«ចោរគាស់សឹងរាល់យប់ទាំងមានមនុស្សរស់នៅក្នុងហាង។ អ្នករស់នៅក្នុងហាងបើមិនឆ្កួតក៏កើតរោគចិត្តដែរ ព្រោះមួយយប់ៗរន្ធត់ចិត្តមិនឈប់យ៉ាងនេះ ហត់និងចំណាយលុយមិនឈប់ ចង់ដូរទីតាំងត្រូវចំណាយលុយធ្វើហាងទៀត កុំចេះតែសុំអោយលុបផុស ដើរសួរអ្នកនៅម្តុំណឹងទៅ សុខសប្បាយអត់»។
អ្នកនាង ចន ច័ន្ទលក្ខិណា បានឆ្លើយតបនឹងអ្នកCommentនៅលើខ្លឹមសារអ្នកនាងដូច្នេះថា៖«និយាយរួមលួចសេរី ចូលផ្ទះនេះមិនបានវាចូលផ្ទះនោះ បងថាគិតថាមិនចង់និយាយទេតែហួសហេតុពេក»៕
ព័ត៌មានជាច្រើនទៀតសម្រាប់អ្នក
